Gerum Vilhjálm strax að seðlabankastjóra

Ef einhver dugur er í Samfylkingunni ætti hún að krefjast þess að Villi Egils verði strax gerður að seðlabankastjóra og Svörtu pöddunni hent öfugri út.

Það segir sig auðvitað sjálft að eðlilegast er að leita til IMF sem er sú stofnun sem sérhæfir sig í að koma til bjargar við svona aðstæður. Það er ótrúlegt og furðulegt að fávitinn Geir Haarde skuli heldur vilja leita til Rússa, sem allir geta sagt sér sjálfir að ætla að nýta ástandið sér til framdráttar.

Apamaðurinn á ekki orð yfir því að forsætisráðherrann skuli vera svo gersamlega skyni skroppinn að jafnvel þegar hann er búinn að koma landinu á hausinn skuli aðalmálið hjá honum vera að reyna að slá einhverjar pólitískar keilur með því að hvekkja vesturlönd og pirra Breta með svona fíflagangi.

Sjálfstæðisflokkurinn er búinn að vera. Hann hefur valið sér trúð til forystu - og trúðurinn er ekki einu sinni fyndinn!

Vill fá aðstoð Alþjóða gjaldeyrissjóðsins

Ríkjasamband við Noreg strax!

Það er ömurlegt að sjá Haarde reyna að kenna Bretum um það sem allir vita að er Davíð Oddssyni að kenna. Það er líka ömurlegt að sjá hann lýsa því yfir að allar innstæður í bönkum séu tryggðar. Hvernig eiga þær að vera tryggðar þegar verið er að selja eigur bankanna á brunaútsölu fyrir brot af því verði sem fengist hefði fyrir þær ef íslenski seðlabankinn hefði tekið á málefnum Glitnis á sama hátt og seðlabankar annarra landa hafa gert gagnvart sínum bönkum?

Innistæðurnar eru auðvitað alls ekki tryggðar því ríkið er í raun gjaldþrota!

Það má alls ekki trúa orðum Haarde eða annarra stjórnmálamanna. Þeir hafa engan skilning á stöðunni sem þeir eru búnir að koma þjóðinni í.

Ef rússalánið verður svo tekið er efnahagslegt sjálfstæði okkar komið í hendurnar á Pútín. Þá verður ekki aftur snúið!

Íslensk stjórnvöld eru algerlega rúin trausti eftir að hafa látið snarbrjálaðan mann eyðileggja efnahagskerfi landsins. Landið er komið í þrot og á sér ekki viðreisnar von sem sjálfstætt ríki. Apamaðurinn leggur til að þegar í stað verði óskað eftir ríkjasambandi við Noreg og íslenska ríkisstjórnin verði sett af.

Forsætisráðherra: Breska fjármálaeftirlitið felldi Kaupþing

Ekkert betra að gera?

Ætti ekki ríkissaksóknari frekar að einbeita sér að því að taka framgöngu Davíðs Oddssonar til opinberrar rannsóknar?

Ríkissaksóknari ákveður að fara í saumana á Hafskipsmálinu

Verða laun greidd um mánaðamót?

Apamaðurinn veltir því fyrir sér hvort fyrirtæki muni eiga fé til að greiða laun um mánaðamótin.

Fjöldi vel rekinna fyrirtækja hefur átt digra sjóði inni á bankareikningum og peningamarkaðssjóðum. Nú er þetta fé væntanlega allt tapað. Þar að auki hefur neysla og fjárfesting í landinu vafalaust nær stöðvast vegna óvissunnar og tekjur því dregist hratt saman.

Apamaðurinn veltir því fyrir sér hvort hefndin á Jóni Ásgeiri hafi verið nógu sæt til að réttlæta það að setja allt atvinnulíf í landinu á hausinn.

„Hér hreyfist ekki neitt"

Slökkviliðsmaðurinn með bensínslönguna

Á þriðjudagskvöld kom seðlabankastjórinn Davíð Oddsson í viðtal í Kastljósi Sjónvarpsins. Þar lýsti hann yfir þrennu:

Í fyrsta lagi því að stjórnendur íslensku bankanna væru óreiðumenn.

Í öðru lagi því að hann sjálfur hefði aldrei stutt útrás íslenskra fyrirtækja. Það er lygi eins og fram hefur komið síðar. Hann hvatti til útrásar og skuldbatt sjálfur skattgreiðendur á klafa risafjárfestinga á vegum ríkisins, sem ávallt lá fyrir að skiluðu engum arði. Hann gerði líka alvarlega tilraun til að láta ríkið ábyrgjast fyrirtæki í eigu vinar síns, sem nú er nær gjaldþrota.

Í þriðja lagi staðhæfði hann að íslensk stjórnvöld myndu ekki standa við skuldbindingar sínar erlendis. Þetta varð til þess að áhlaup var gert á Kaupþing og bankinn varð gjaldþrota.

Gjaldþrot Kaupþings hefur orðið til þess að lífeyrissjóðirnir hafa nú tapað amk. 10% af eigum sínum. Þeir munu þurfa að skerða lífeyri sjóðsfélaga sinna verulega. Ekkert bendir hins vegar til þess að lífeyrir Davíðs Oddssonar muni skerðast. Hann er tryggður af ríkinu.

Eins og fram kom í viðtalið við bankastjóra Landsbankans í gær var ástæða þess að bankinn lenti í greiðsluvanda sú, að íslensk ríkisskuldabréf, sem sett voru að veði fyrir erlendum skuldum hröpuðu í verði. Verðfallið var afleiðing af yfirlýsingu um yfirtöku ríkisins á Glitni um þarsíðustu helgi. Við yfirtökuna féll gengi krónunnar úr þeim hæðum sem það hafði verið í lengi. Ástæðan fyrir háu gengi var spilaborg sem Davíð Oddsson byggði upp og grundvallaðist á allt of háum vöxtum sem hvöttu til áhættufjárfestinga í íslenskum krónum.

Davíð Oddsson ber meginábyrgð á því hvernig komið er. Framferði hans verður ekki lýst öðruvísi en sem glæpsamlegu. Fyrir það verður hann að gjalda!

FME yfirtekur Kaupþing

Hreinsið nú út!

Nú leggur Apamaðurinn til að tónleikagestir grípi tækifærið og hreinsi út úr Stjórnarráðinu, þinghúsinu og síðast en ekki síst Seðlabankanum.

Fjöldi fólks á mótmælasamkomu Bubba

Hendum Davíð út!

Allir seðlabankar heims nema sá íslenski sýna ábyrgð. En hér situr Svarta paddan enn, staðráðin í að koma þjóðinni í þrot.

Apamaðurinn leggur til að almenningur taki sig nú saman, fari niður í Seðlabanka, hendi Svörtu pöddunni út og láti hana labba heim á nærbrókinni.

Þegar stjórnendur landsins hlaupa um eins og hauslausar hænur verður fólk að grípa til sinna ráða. Það heitir neyðarréttur.

Vaxtalækkanir víða um heim

Alger óvissa um gengið

Apamanninum finnst það ekki mjög trúverðugt að Seðlabankinn skuli eiga viðskipti á einu gengi með einhverjar smáupphæðir meðan raungengið er langtum lægra. Afleiðingin af þessu er spákaupmennska þar sem þeir sem hafa aðgang að gjaldeyri geta keypt hann á lágu gengi og selt aftur á háu gengi. Þannig má græða of fjár á örskömmum tíma.

Fastgengi virkar ekki nema frekari aðgerðir komi til og styðji við það. Apamanninum finnst hann sjálfur minni api en margir núna!

Því miður er nú ekkert hægt að stóla á mbl.is lengur í fréttaflutningi af efnahagsmálum. Apamaðurinn sá hins vegar áhugaverða umfjöllun um þetta á vísi.is:

http://www.m5.is/?gluggi=frett&id=60539

Seðlabanki miðar áfram við sama gengi

Hver veitti heimildina?

Séu reikningarnir tryggðir af íslenska ríkinu hlýtur einhver að hafa veitt þá ábyrgð. Þann sem það gerði verður nú að draga fram í dagsljósið og draga til ábyrgðar.

 

Yfir 700 milljarðar á ábyrgð ríkisins

Enskunámskeið??

Kom ekki "stórfrétt" um það í mogganum í fyrradag að Grey Haarde hefði fengið að tala við þennan sama Brown í síma? Gott ef hr. Brúnn hringdi ekki meira að segja í greyið.

Nú kemur þetta. Þarf Haarde kannski að fara á enskunámskeið??

Brown hótar aðgerðum